வெள்ளி, 31 அக்டோபர், 2014

Uthayan ePaper 31OCT2014 உதயன் தூக்கு தண்டனையின் எதிரொலி! பற்றி எரியும் தமிழகம்

Maalaimalar ePaper 31OCT2014 மாலைமலர்

மாலைமலர் - இன்றைய  இ-பேப்பர்  31-OCT-2014



  

மேலே உள்ள 

 


மாலை மலர் பக்கத்தை பார்க்கவும் !

 

அல்லது 





   இங்கே படிக்கவும் !

 

 

============================================

5 தமிழக மீனவர்களுக்கு தூக்கு தண்டனை





 5 தமிழக மீனவர்களுக்கு தூக்கு தண்டனை

கொழும்பு, அக்.31-

கடலுக்கு மீன் பிடிக்கச் செல்லும் தமிழக மீனவர்கள், எல்லை தாண்டி வந்ததாக கூறி அடிக்கடி இலங்கை கடற்படையினரால் தாக்கப்படுவதும், கைது செய்யப்படுவதும் தொடர்கதையாகி வருகிறது
.



5 தமிழக மீனவர்கள் கைது

இந்த நிலையில் கடந்த 2011-ம் ஆண்டு நவம்பர் 28-ந் தேதி, ராமநாதபுரம் மாவட்டம் ராமேசுவரம் தீவில் உள்ள தங்கச்சிமடத்தைச் சேர்ந்த எமர்சன் (வயது 35), அகஸ்டஸ் (35), வில்சன் (40), பிரசாத் (30), லாங்லெட் (22) ஆகிய 5 பேர் கடலுக்கு மீன் பிடிக்கச் சென்றனர்.

அவர்கள் நடுக்கடலில் மீன் பிடித்துக்கொண்டு இருந்த போது, அங்கு வந்த இலங்கை கடற்படையினர், ஹெராயின் என்ற போதைப்பொருளை இலங்கைக்கு கடத்தி வந்ததாக கூறி 5 பேரையும் கைது செய்தனர். அவர்களுடன், இலங்கையைச் சேர்ந்த மேலும் 3 மீனவர்களும் கைது செய்யப்பட்டனர்.

கொழும்பு ஐகோர்ட்டில் வழக்கு

பின்னர் அவர்கள் 8 பேரும் இலங்கையில் உள்ள வெலிக்கடை சிறைக்கு கொண்டு செல்லப்பட்டு அங்கு அடைக்கப்பட்டனர்.

அவர்கள் மீதான வழக்கு விசாரணை கொழும்பு ஐகோர்ட்டில் நீதிபதி பிரீத்தி பத்மன் சூரசேனா முன்னிலையில் நடைபெற்று வந்தது.

கைதான தமிழக மீனவர்கள் சார்பில் வக்கீல்கள் அனில் சில்வா, ஷராபி மொகிதீன், ஸ்ரீகாந்த் ஆகியோர் ஆஜராகி வாதாடினார்கள். விசாரணையின் போது, இந்திய அரசு தரப்பில், தமிழக மீனவர்கள் 5 பேரும் அப்பாவிகள் என்றும், குற்றவாளிகள் அல்ல என்ற வாதமும் முன்வைக்கப்பட்டது.

தூக்கு தண்டனை

3 ஆண்டுகளாக இந்த வழக்கு விசாரணை நடைபெற்று வந்தது. விசாரணை முடிவடைந்ததை தொடர்ந்து நேற்று இந்த வழக்கில் தீர்ப்பு வழங்கப்பட்டது.

தமிழக மீனவர்களான எமர்சன், அகஸ்டஸ், வில்சன், பிரசாத், லாங்லெட் ஆகியோரும் மற்றும் அவர்களுடன் கைதான இலங்கை மீனவர்கள் 3 பேரும் குற்றவாளிகள் என்றும், அவர்களுக்கு தூக்கு தண்டனை விதிக்கப்படுவதாகவும் நீதிபதி பிரீத்தி பத்மன் சூரசேனா தீர்ப்பு கூறினார்.


தூக்கு தண்டனையை எதிர்த்து நவம்பர் 14-ந் தேதிக்குள் அவர்கள் இலங்கை உச்ச நீதிமன்றத்தில் மேல்முறையீடு செய்து கொள்ளலாம் என்றும் நீதிபதி தனது தீர்ப்பில் குறிப்பிட்டு உள்ளார்.


மீனவர்கள் கொந்தளிப்பு

இலங்கையில் தமிழக மீனவர்கள் 5 பேருக்கு தூக்கு தண்டனை விதிக்கப்பட்டு இருப்பது தமிழக மீனவர்கள் மத்தியில் கடும் கொந்தளிப்பை ஏற்படுத்தி உள்ளது. தண்டனை விதிக்கப்பட்ட மீனவர்களின் குடும்பத்தினர் மிகுந்த அதிர்ச்சி அடைந்து உள்ளனர்.

இதற்கிடையே, இந்திய அரசுக்கும் இந்த தீர்ப்பு அதிர்ச்சி அளித்து இருக்கிறது.

இந்திய அரசு மேல்முறையீடு

தமிழக மீனவர்கள் 5 பேருக்கு தூக்கு தண்டனை விதிக்கப்பட்டதை எதிர்த்து இலங்கை உச்ச நீதிமன்றத்தில் மேல்முறையீடு செய்ய மத்திய அரசு முடிவு செய்து உள்ளது.

‘‘5 இந்திய மீனவர்களுக்கு கீழமை நீதிமன்றம் தூக்கு தண்டனை விதித்ததை எதிர்த்து, கொழும்பு நகரில் உள்ள இந்திய தூதரகம் வக்கீல்கள் மூலம் இலங்கை உச்ச நீதிமன்றத்தில் மேல் முறையீடு செய்யும்’’ என்று வெளியுறவுத்துறை அமைச்சகத்தின் செய்தித் தொடர்பாளர் சையது அக்பரூதீன் நேற்று டெல்லியில் நிருபர்களிடம் தெரிவித்தார்.

அதேசமயம், ‘‘நமது மீனவர்கள் குற்றவாளிகள் அல்ல என்று நாம் கருதுவதால் இந்த பிரச்சினையை இலங்கை அரசிடமும் இந்தியா கொண்டு செல்லும்’’ என்று அவர் கூறினார். அத்துடன் இந்த பிரச்சினையை சட்டரீதியாகவும், தூதரக உறவுகள் மூலமாகவும் இந்திய அரசு கையாளும் என்றும் அவர் தெரிவித்தார்.

தூக்கு தண்டனை விதித்து வழங்கிய தீர்ப்பை எதிர்த்து மேல்முறையீடு செய்ய ஐகோர்ட்டு நவம்பர் 14-ந் தேதி வரை கால அவகாசம் வழங்கி இருப்பதால் அதற்குள், இந்தியாவின் சார்பில் மேல்முறையீடு செய்யப்படும் என்று தெரிகிறது.

இலங்கை தூதருடன் பேச்சு

இதற்கிடையே, வெளியுறவு அமைச்சகத்தின் மூத்த அதிகாரி ஒருவர் டெல்லியில் உள்ள இலங்கை தூதரை நேற்று தொடர்பு கொண்டு இந்த விவகாரம் குறித்து பேசினார். மேலும் கொழும்பு நகரில் உள்ள இந்திய தூதரும் இந்த விவகாரம் குறித்து இலங்கை அரசுடன் தொடர்பு கொண்டு பேசி வருகிறார்.

வியாழன், 30 அக்டோபர், 2014

தமிழ் மீனவர்களுக்கு சிங்கள நீதிமன்றம் தூக்கு தண்டனை விதிப்பு :

தமிழ் மீனவர்களுக்கு சிங்கள நீதிமன்றம் தூக்கு தண்டனை விதிப்பு : ராமேசுவரத்தில் தண்டவாளம் உடைப்பு, ரெயில்கள் ரத்து !



கடந்த மூன்று வருடங்களுக்கு முன்னர் இந்திய-இலங்கை கடல் எல்லையில் கைது செய்யப்பட்ட இந்திய மீனவர்கள் ஐந்து பேர் மற்றும் இலங்கை மீனவர் மூவருக்கு கொழும்பு மேல் நீதிமன்ற நீதிபதி பத்மா சூரசேன தூக்குத் தண்டனை வழங்கித் தீர்ப்பு அளித்தார்.

கடலில் போதை பொருட்கள் கடத்தலில் ஈடுபட்டதாக கூறி தங்கச்சிமடத்தை சேர்ந்த எமர்சன், வில்சன், அகஸ்டஸ், லாங்லேட், பிரசாத் ஆகிய ஐந்து மீனவர்கள் இலங்கைக் கடற்படையால் கைது செய்யப்பட்டனர். அவர்கள் மீது கொழும்பு உயர்நீதிமன்றத்தில் வழக்கு தொடரப்பட்டு விசாரணை நடைபெற்று வந்தது.  இன்று இவ்வழக்கு விசாரணைக்கு வந்த போது நீதிபதி பத்மா சூரசேன குற்றஞ்சாட்டப்பட்ட ஐந்து பேருக்கும் தூக்குத் தண்டனை வழங்கி தீர்ப்பளித்தார். இலங்கையை சேர்ந்த மூவருக்கும் தூக்கு உறுதிசெய்யப்பட்டுள்ளது.




தங்கச்சிமடம் மீனவர்களுக்கு இலங்கையில் தூக்குதண்டனை விதிக்கப்பட்ட தகவல் வெளியானதும், கொந்தளிப்பு அடைந்த ராமேசுவரம் மீனவர்கள் போராட்டத்தில் ஈடுபட்டுள்ளனர். பஸ் ஒன்று எரிக்கப்பட்டுள்ளது. ரெயில் தண்டவாளம் உடைப்பு காரணமாக ரெயில் போக்குவரத்து நிறுத்தப்பட்டுள்ளது.

கடந்த 2011ம் ஆண்டு ராமேசுவரம் அருகே உள்ள தங்கச்சிமடத்தை சேர்ந்த கிளாட்வின் என்பவருக்கு சொந்தமான படகில் லாங்லட், பிரசாத், எமர்சன், அகஸ்டஸ், வில்சன் ஆகிய 5 மீனவர்கள் மீன்பிடிக்கச் சென்றனர். அப்போது ரோந்து வந்த இலங்கை கடற்படையினர் 5 மீனவர்களையும் பிடித்து, படகில் போதைப்பொருள் வைத்திருந்ததாக கூறி அவர்களை கைது செய்தனர். அவர்கள் மீது வழக்கு தொடரப்பட்டு சிறையில் அடைக்கப்பட்டனர்.

இந்த வழக்கில் தங்கச்சிமடம் மீனவர்கள் 5 பேருக்கும், இலங்கை மீனவர்கள் 3 பேருக்கும் தூக்கு தண்டனை விதித்து கொழும்பு உயர்நீதிமன்றம் மதியம் தீர்ப்பளித்தது. இந்த தகவல் தங்கச்சிமடம் மீனவப் பகுதியில் காட்டுத்தீபோல் பரவியது. உடனடியாக அவர்கள் ஆயிரத்திற்கும் மேற்பட்டவர்கள் மாலை 3 மணியளவில் ராமேசுவரம் - மதுரை சாலைக்கு வந்தனர். அவர்கள் சாலையில் நடுவில் அமர்ந்து போராட்டத்தில் ஈடுபட்டனர். இதனால் மதுரையில் இருந்து ராமேசுவரம் சென்ற வாகனங்களும், ராமேசுவரத்தில் இருந்து மதுரை வரவேண்டிய வாகனங்களும் நடுவழியில் நின்றன.

போராட்டகாரர்களில் சிலர் ரோட்டின் ஓரத்தில் இருந்த டிரான்ஸ்பார்மர்களுக்கு தீ வைத்தனர். திடீரென சிலர் ரோட்டின் ஓரத்தில் இருந்த ராட்சத குழாய்களை உருட்டி ரோட்டின் நடுவில் போட்டு சாலையை மறித்தனர். இதனால் அங்கு போக்குவரத்து முற்றிலுமாக பாதிக்கப்பட்டது. நேரம் ஆக ஆக அந்த பகுதியில் மக்களின் கூட்டம் அதிகமாகிக் கொண்டே இருந்தது. இந்த போராட்டத்தின்போது அந்த வழியாக வந்த ஒரு அரசு பஸ் கண்ணாடி உடைக்கப்பட்டது. ஒரு தரப்பினர் ரெயில் தண்டவாளத்தை நோக்கி வந்தனர். ரெயில் தண்டவாளத்தில் டயர்களை போட்டு எரித்தனர்.

மேலும் சுத்தியல் உள்ளிட்ட கருவிகளின் உதவியால் தண்டவாளத்தை இணைக்கும் இடத்தை உடைத்து தண்டவாளத்தை பிரித்தனர். இதுகுறித்து தகவல் அறிந்த ராமேசுவரம் டி.எஸ்.பி. விஜயக்குமார் சம்பவ இடத்திற்கு விரைந்து வந்து போராட்டகாரர்களிடம் பேச்சுவார்த்தை நடத்தினார். ஆனால் போராட்டக்காரர்கள் சமாதானம் அடையவில்லை. இதனால் மாலை 5 மணிக்கு ராமேசுவரத்தில் இருந்து சென்னை புறப்படவேண்டிய எக்ஸ்பிரஸ் ரெயில், சேது எக்ஸ்பிரஸ் ரெயில், கன்னியாகுமரி எக்ஸ்பிரஸ் ரெயில் உள்ளிட்ட 4 ரெயில்கள் ராமேசுவரத்திலேயே நிறுத்தப்பட்டன.

மேலும் ராமேசுவரத்திற்கு வந்து கொண்டிருந்த அனைத்து ரெயில்களும் மண்டபம், ராமநாதபுரம் ரெயில் நிலையங்களில் நிறுத்தப்பட்டன. போலீசார் தொடர்ந்து போராட்டகாரர்களிடம் பேச்சு வார்த்தை நடத்தினர். இந்நிலையில் பாம்பனில் இருந்து ராமேசுவரம் நோக்கிச்சென்று கொண்டு இருந்த அரசு பஸ் ஒன்று ஆர்ப்பாட்டக்காரர்களால் தீ வைத்துக் கொளுத்தப்பட்டது. இதனால் பதற்றம் அதிகரித்துள்ளது. ராமேசுவரத்தில் ஏற்பட்டுள்ள கொந்தளிப்பான நிலைமை பற்றி அறிந்ததும், கூடுதல் போலீசார் அனுப்பி வைக்கப்பட்டுள்ளனர்.

Maalaimalar ePaper 30-OCT-2014 மாலைமலர்

மாலைமலர் - இன்றைய  இ-பேப்பர்  30-OCT-2014



  

மேலே உள்ள 

 


மாலை மலர் பக்கத்தை பார்க்கவும் !

 

அல்லது 





   இங்கே படிக்கவும் !

 

 

============================================